Lalampahan (eksistensi)

Nyukcuk walungan mapay hawangan, kaditunamah malapah gedang, ieu mah rek mohokeun kabodoan kuring sorangan tapi amit ampun nya paralun lain rek adean ku kuda beureum lain mamatahan nitah teuleum kuya di leuwi. Tapi ngan saukur ngalatih nu aya dina diri. HIrup jeung hurip urang dialam dunya, ngansaukur darma nu di kawasakeun atawa dipercaya, kumelendang dialam marcapada. salaku manusa urang di wajibkeun ta syakur, ta fakur jeung tong kufur, usahan sarta ikstiar pikeunn yang hareupan hirup jeung kahirupan sapopoe.

Ulah waka suka seuri mun can panggih jati diri” hiji kalimat nu ngabogaan arti nu jero sok sanajan remen kabandungan manusa ngalamun salaput umur,

Nini Anteh Jeung Candramawat

Inget bulan jadi inget Nini Anteh nu ceunah ceuk kolot nu cicingna aya di bulan di baturan ku “si ucing nu ngarana Candramawat”. Nini Anteh mangrupakeun hiji carita sunda.nu nyaritakeun ngenaan gamabar dina bulan nu katempo dina mangsa bulan purnama, seorang nini-nini nu teu eureun-eureun ngajait. nini anteh ceunah hirup dina mangsa jaman karajaan pakuan"

Dina mangsa bulan purnama mangrupakeun mangsa nu endah pikeun kaulinan.

cing cangkeling
manuk cingkleung cindeten
plos ka kolong
bapa satar buleneng
cing cangkeling
ucing hideung nyireukem
pung ka bulan
nini anteh keur anteng
yu urang ulin
meungpeung bulan ngagateung
pray duh siang
urang ulin diburuan

Muji kaendahan bulan

Hirup, hurip jeung kahirupan di Buana Pancatengah

Eling- eling mangka eling
Rumingkang di bumi alam
Darma wawayangan bae Raga taya pangawasa
Seni sunda pikeun suluk gambaran siloka diri
Hirup ulah rek ka jongjonan mawa diri sing taliti
Satincak make pikiran, pikiran ieu pepeling

Nyucruk galur ti Karuhun nutur lacak para wali nu nyambung ka balarea. Kalimah di luhur salah sahijipepeling pikeun urang nu ku melendang di alam marcapada, ngeunaan hirup jeung kahirupan nu geus dilakonan, jeung nu eukeur di lakonan sarta nu bakal kalakonan, hirup, hurip jeung hirupna urang nu kumelendang, kabeh oge balik deui ka urang mun ceuk salaha sahiji paribasa mah“Tamiang Meulit Kabitis” .

Lalangse Aheng (Si Tambal)

Nyukcruk galur kapungkur mapay carita nu baheula, warisan ti nini aki, carita nu di caritakeun deui. dongeng nu didongengkeun deui, tikolot ka budak, ti budak ka incu, antukna neupi ka ceuli simkuring, ngeunaan carita si tambal, di hiji desa nu katelah kadipaten aya salah sahiji dusun nu kasebut dusun Teluk jambe, di dusun teluk jambe ieu ayana si tambal, si tambal nyaeta ngaran kukudaan anu dijerona kaeusian ku salah sahiji khodam atawa naon waelah kasebutna kuring teu apal, Nu jelasnamah di teluk jambe aya salah sahiji kesenian Kuda lumping, di kasenian kuda lumping eta  aya salah sahiji kudana teh aya nu di sebut Si tambal, asalna kata Si tambal di arankeun ka eta kuda, kulantara ceunah kudana soeh di tambalna lain kukulit sato tapi ku kulit jalma, meureun eta jalam baheulanna kasup hiji kokolot atawa jawara meureun" nu ngabogaan si tambal nu katelah oyot duka nami aslina (abdi teu naroskeun...)da masih aya sekseler jeung kakaratonan cirebon, numutkeun carita lamun si tambal makalangan euweuh nu teu kasima, kabeh nu lalajo sok sanajan masyarakat di eta wewengkona sorangan.

Ngumbara.....

Remis janari mimiti turun, hiliwirna angin peuting nu geus nyecep nandakeun janari leutik nu meh we rek ka giribik ku datangna janari gede nu moal hanteu antukna jleg neupi ka poe isuk. Sanjan wanci geus janari mata masih keneh bolotot san bisa sare, aki jeung nini petunduheun jiga nu embung ngadeketan kuring gerentes hate manehna, geleberna jeung sorana manuk koreak  jiga nu keur nitennan pagawean nu keur dipigawena, ret kana pagawean nu euweuh beresna ret deui kana jam nu ngadaplok dina tembok. Gerendeng manehna ngageretes “ beu…hirup..) ngan sakitu nu di gerenteskeun na hatena.